DURRËS– Reshjet e shiut kanë pushuar, por situata në disa zona të Durrësit vijon të jetë problematike. Këtë të dielë kur bëhet dita e gjashtë e përmbytjeve në zonën e Ish-Kënetës shtëpitë janë ende nën ujë.
Uji është i pranishëm ende në shumë banesa, katet e para të të cilave kanë dëme të konsiderueshme dhe do duhet kohë që të kthehen në të banueshme.
Shenjat e lagështirës janë ende të pranishme nëpër mure, kurse banorët mundohen me pompa apo fshesa të largojnë ujin e mbetur nga ambientet e brendshme apo oborret e shtëpive të tyre./Radar.al