Ministria e Bujqësisë së fundmi ka shtuar masat për kontrollimin e përhapjes së gripit të shpendëve në Shqipëri.
Bëhet me dije se është ndaluar importi i shpendëve të gjallë, vezëve dhe mishit të patrajtuar termikisht nga shtete ku janë konstatuar raste me influencë aviare.
I ndaluar është gjithashtu dhe kalimi tranzit i këtyre produkteve në vendin tonë.
Bëhet fjalë për qytete të Bullgarisë, Italisë, Polonisë, Hungarisë, Sllovakisë dhe Çekisë.
Ndërkohë Autoriteti Kombëtar I Ushqimit për çdo ngarkesë me shpendë të gjallë apo nënprodukte të tyre të patrajtuara duhet të informojë Drejtorinë e Përgjithshme për Sigurinë Ushqimore.
Një vatër me grip të shpendëve u konstatua pak ditë me parë dhe në një fermë oborri në Mëzez pranë Tiranës. Shpendët u asgjësuan ndërsa zona u karantinua.
Rreth 2 mijë e 300 ferma me mbi 96 mijë shpendë u kontrolluan dhe Ministria e Bujqësisë tha se situata është nën kontroll.
Ndërkohë nga analizat e kryera pranë Institutit të Shëndetit Publik aktualisht nuk është konstatuar asnjë rast I kalimit të gripit nga shpendët tek njerëzit.
LEXO EDHE:
Vaksina kundër gripit të shpendëve për njerëzit, ky shtet do të nisë aplikimin