Që nga 1 janari i këtij viti, rreth 20,000 emigrantë kanë kaluar Kanalin e La Manshit me anije të vogla për të hyrë në Britani – një rekord historik për gjysmën e parë të vitit. Vetëm të hënën u shënuan 879 mbërritje të reja, duke e çuar totalin në 19,982 persona, një rritje me 48% krahasuar me të njëjtën periudhë të vitit të kaluar dhe 75% më shumë se në vitin 2023.
Kjo rritje e ndjeshme po shton trysninë mbi kryeministrin Keir Starmer, i cili është zotuar të godasë rrjetet kriminale të trafikimit të qenieve njerëzore. Qeveria britanike njoftoi gjithashtu se mbi 24,000 persona pa status të ligjshëm janë dëbuar që nga korriku i kaluar.
Sipas autoriteteve, moti i qëndrueshëm dhe teknikat e reja të përdorura nga trafikantët kanë ndikuar në shtimin e kalimeve. Ndërkohë, tragjedia vazhdon – që prej fillimit të vitit 2024, të paktën 73 persona kanë humbur jetën gjatë përpjekjes për të kaluar këtë rrugë të rrezikshme detare.