Greqia prezantoi një reformë të re tatimore që synon mbështetjen e familjeve me shumë fëmijë dhe profesionistëve të pavarur. Ministri i Ekonomisë dhe Financave Kombëtare, Kyriakos Pierrakakis, njoftoi se qytetarët e kësaj kategorie nuk do të paguajnë taksë për të ardhurat deri në 20 mijë euro.
Reforma synon të ndihmojë demografinë dhe klasën e mesme, duke ulur barrën fiskale për familjet e mëdha dhe duke inkurajuar lindjet në vend. “Është një hap i rëndësishëm në njohjen e problemit demografik dhe lehtësimin e barrës për mijëra familje në vendin tonë,” tha ministri Pierrakakis.
Presidenti i Konfederatës Supreme të Familjeve të Mëdha të Greqisë, Thomas Gianniotis, falënderoi Ministrinë dhe theksoi se politika tatimore është një hap në drejtimin e duhur për zhvillimin e familjeve të mëdha dhe përmirësimin e kushteve të jetesës së tyre.
Ky paketë masash pritet të përfshijë të gjithë punonjësit e pavarur me shumë fëmijë, duke zgjeruar mbështetjen përtej kategorisë së punonjësve të zakonshëm.