Në reagimin e tij në rrjetet sociale, Ilir Meta ka akuzuar ish bashkëshorten e tij Monika Kryemadhi për veprimet që ka bërë për shpenzimet mjekësore të tij, në të cilat SPAK ka gjetur se të ardhurat e deklaruara nuk justifikohen.
“Mosdeklarimi sipas tyre i shpenzimeve të mia shëndetësore në vitin 2013 në Vjenë prej 7341 Euro.
Dhe në Nëntor 2014, shuma prej 7984 Euro në klinikën, Austri.
Pra bëhet fjalë vetëm për 15 mijë Euro total në 20 vite hetime.
Më duhet të sqaroj se kjo ka ardhur për shkak të garancive (të pavërteta) nga ish-bashkëshortja ime se çdo gjë ishte paguar, e deklaruar sipas ligjit.
Pastaj çdo gjë tjetër ishte vetëm një makinacion për të më veshur mua përgjegjësi që nuk më takojnë pasi me procesin e deklarimit të pasurisë apo shpenzimeve shëndetësore dhe mjekësore merrej ish-gruaja ime në mirëbesim të plotë duke pasur edhe avokatin dhe noteren për këto çështje, por edhe shumicën e pronave”, shprehet Meta.