Kryeministri Edi Rama ka reaguar pas zgjedhjeve në Hungari, duke përcjellë një mesazh urimi dhe vlerësimi si për liderin në largim Viktor Orbán, ashtu edhe për kryeministrin e ri Peter Magyar.
Rama i cilësoi zgjedhjet si mbresëlënëse dhe theksoi se ka qenë një kënaqësi e veçantë bashkëpunimi me Orbán, duke vlerësuar afrimin mes Shqipërisë dhe Hungarisë gjatë kësaj periudhe.
“I uroj mikut tim të mirë, Viktorit, gjithë të mirat në këtë kapitull të ri të jetës së tij”, u shpreh ai.
Njëkohësisht, kreu i qeverisë shqiptare përgëzoi Peter Magyar për fitoren, duke i uruar suksese në drejtimin e vendit dhe duke shprehur gatishmërinë për bashkëpunim të ngushtë mes dy vendeve në të ardhmen.
“I uroj Kryeministrit të sapozgjedhur suksese të plota në përpjekjen e tij për të hapur një kapitull të ri për vendin”, theksoi Rama.