Kryeministri Edi Rama ka dhënë një tjetër paralajmërim për bizneset që operojnë në hapësirat publike.
Në një video në rrjete sociale, kreu i qeverisë ka ilustruar një sërë lavazhosh të vendosura pranë njëra-tjetrës që operojnë shumë pranë trotuareve, e shpesh, edhe duke i zaptuar ato.
Rama thekson në postim se çdo biznes duhet të funksionojë në bazë të rregullave nëse janë në pronën e tokën e tyre, në të kundërt këto hapësira thotë ai do të kthehen për komunitetin, në parqe apo kënde lojërash për fëmijët.
Postimi i kryeministrit Edi Rama:
Çuna, respekte po e kuptoni edhe vetë që nuk ecën më kjo punë kështu apo jo Turi?
Prandaj hiqini vetë këto që mos merrni edhe gjobë dhe po e patët tokën tuaj, merrni leje për një njësi shërbimi normale brenda rregullave jo për lavazh në rrugë – e deri atëherë toka do rri bosh dhe pastër në shërbim të komunitetit Po s’e patët tokën tuaj atëherë përfundimisht në këto hapësira do mbillen pemë e do vihen stola apo lodra për fëmijët
Radar.al