Plazhi i Darzezës, 20 kilometra nga qyteti i Fierit, po frekuentohet gjithnjë e më shumë nga pushues vendas dhe të huaj.
Kryeministri Edi Rama ndau sot pamje nga plazhi i Darzezës, i mbushur me pushues të shumtë dhe të të gjitha grupmoshave.
Rama tha se: “Plazhi i Darzezës në Fier frekuentohet çdo vit, gjithmonë e më tepër duke u kthyer në destinacion veror.”
Me një brez të gjerë rërë dhe ujë të pastër, Darzeza ka një sipërfaqe prej 13.7 km².
Pushuesit zgjedhin këtë plazh për shkak të bukurisë dhe pastërtisë që ofron. Plazhi i Darzezës nuk shquhet vetëm për rërën kurative, por është i gërshetuar me ujë të pastër dhe pyllin shekullor.
Kjo pjesë e Adriatikut shoqërohet me valë të forta deti, duke ofruar mundësi për sporte si kitesurfing, windsurfing, wakeboard dhe të tjera.
Bregdeti i Darzezës është i vetmi në Ballkan ku era krijon dallgë të favorshme për këto sporte.