Një ditë pas paralajmërimit të kryeministrit Edi Rama, ministri i Financave Petrit Malja, ministrja e Bujqësisë Anila Denaj dhe drejtori i Tatimeve Ilir Binaj nisën inspektimet në terren për të ndërgjegjësuar bizneset që tregtojnë produkte blegtorale.
Zyrtarët lajmëruan se nga java e ardhshme, asnjë produkt si qumështi, bulmeti apo mishi nuk do të lejohet të tregtohet pa dokumentacion fiskal, në të kundërtën do të konfiskohet.
Aksioni synon rritjen e sigurisë ushqimore, formalizimin e tregut dhe rritjen e të ardhurave në buxhet. Ndaj subjekteve që nuk respektojnë rregullat, do të vendosen masa të rënda administrative dhe gjoba të larta.