TIRANË-Tre muajsh pas ngritjes, qeveria ka vendosur që të mbyllë Bordin e Transparencës. Lajmin e bëri me dije ministrja e Ekonomisë, Delina Ibrahimaj në një prononcim për mediat pas mbledhjes së Këshillit të Ministrave.
Ajo tha se vendimi u mor për shkak se situata e hidrokarbureve është stabilizuar pas marrëveshjes mes SHBA dhe Irani.
“Sot vendosëm të ndërpresim Bordin e Transparencës që prej disa muajsh është në funksion në zbatim të ligjit për hidrokarburet. Kanë qenë disa muaj që ka pasur luhatje të çmimeve të karburanteve dhe prej më shumë se dy javësh çmimi ka ardhur duke u reduktuar. Çmimet e bursës janë stabilizuar, në kontekstin gjeopolitik është arritur një marrëveshje dhe kanali i Hormuzit do të zhbllokohet. Situata në Lindjen e Mesme tashmë ka më pak paqartësira. Tregu i hidrokarbureve është stabilizuar dhe prandaj vendosëm ë përfundojmë funksionimin e bordit të karburanteve.“-tha ajo./Radar.al