Policia e Bajram Currit ka shpallur në kërkim një 26-vjeçar me inicialet A. I., pas një ngjarjeje me armë zjarri të ndodhur mbrëmjen e djeshme në qytet.
Sipas njoftimit zyrtar, rreth orës 23:00, në një lokal në Bajram Curri, pas një konflikti për motive të dobëta, i dyshuari ka qëlluar me armë zjarri në drejtim të dy të rinjve, S. M. dhe S. D., të dy 18 vjeç.
Si pasojë e të shtënave, është plagosur në dorë shtetasi S. M., i cili ka marrë ndihmën mjekësore dhe më pas është larguar për në banesë.
Policia bën me dije se shërbimet e saj po vijojnë kontrollet intensive për lokalizimin dhe kapjen e autorit, ndërsa hetimet po zhvillohen nën drejtimin e Prokurorisë për sqarimin e plotë të rrethanave të ngjarjes.
Materialet procedurale i janë referuar Prokurorisë për veprime të mëtejshme.
Njoftimi:
Specialistët për Hetimin e Krimeve në Komisariatin e Policisë Tropojë shpallën në kërkim shtetasin A. I., 26 vjeç, banues në Bajram Curri.
Ky shtetas, më datë 10.04.2026, rreth orës 23:00, në një lokal në qytetin e Bajram Currit, pas një konflikti për motive të dobëta, dyshohet se ka qëlluar me armë zjarri në drejtim të shtetasve S. M. dhe S. D., 18 vjeç, banues në Bajram Curri.
Si pasojë e të shtënave është plagosur në dorë shtetasi S. M., i cili mori ndihmë mjekësore dhe u largua për në banesë.
Shërbimet e Policisë vijojnë kontrollet për lokalizimin dhe kapjen e autorit.
Ndërkohë vijojnë veprimet hetimore nën drejtimin e Prokurorisë për dokumentimin e plotë ligjor të kësaj ngjarjeje.
Materialet i kaluan Prokurorisë për veprime të mëtejshme.