Gjatë ditës së sotme, Qarku Elbasan ka regjistruar 14 mm reshje shiu, por deri tani nuk raportohet për problematika nga sektorët e Emergjencave Civile në 7 bashkitë e qarkut.
Lumi Shkumbin vazhdon të ketë prurje mbi mesatare, por deri tani nuk ka shkaktuar probleme përgjatë shtratit të tij. Për t’u siguruar që situata të mbetet nën kontroll, HEC Banjë ka rritur shkarkimet në 150 m³/sek (përveç 100 m³/sek që përdoret për prodhimin e energjisë), një masë që do të vazhdojë deri në orën 21:00, kur do të analizohet situata dhe do të vendoset veprimi i mëtejshëm.
Fushat e Sulovës, të cilat janë të përfshira në hartën e rrezikut nga shkarkimet e HEC Banjë, deri tani nuk kanë uje dhe nuk rrezikohen nga përmbytjet.
Në zonat malore të Stebleve, reshjet e dëborës kanë arritur trashësinë 5 cm, ndërsa aksi rrugor Librazhd–Stebleve mbetet i hapur dhe qarkullimi vazhdon pa probleme.
Autoritetet bëjnë thirrje që qytetarët dhe drejtuesit e mjeteve të qëndrojnë të kujdesshëm dhe të ndjekin udhëzimet e Emergjencave Civile.