Nxënësit e klasës së 15-vjeçarit Erion Boba në gjimnazin “Dom Nikoll Kaçorri” në Durrës kanë lënë një mesazh prekës në tabelën e klasës, duke shprehur dhembjen për humbjen e parakohshme të shokut të tyre dhe boshllëkun që ai ka lënë pas.
Me fjalë të thjeshta, por të mbushura me trishtim, ata kujtuan Erionin si një djalë çapkën, gazmor dhe të sjellshëm.
Mësohet se nesër, nxënës dhe mësues të shkollës do të udhëtojnë drejt Bulqizës për t’i dhënë lamtumirën e fundit Erionit, në një ditë që pritet të jetë e vështirë jo vetëm për familjen dhe të afërmit, por edhe për shokët dhe mësuesit e tij, të tronditur nga kjo humbje e madhe.