Në ditën e tetë të protestave, lëvizja e “mosbindjes civile” në Serbi ka hyrë në javën e saj të dytë, duke përshkallëzuar aksionet me bllokimin e mbi dhjetë rrugëve kryesore në kryeqytetin Beograd.
Që në orët e para të mëngjesit të 7 korrikut, grupe studentësh dhe qytetarësh të organizuar informalish kanë bllokuar kryqëzime të rëndësishme, përfshirë edhe arteriet kryesore të Beogradit të Ri, si shenjë proteste kundër qeverisë dhe zgjedhjeve të kontestuara.
Policia serbe ndërhyri në disa nga pikat e bllokuara, por situata mbetet e tensionuar dhe protestuesit paralajmërojnë vazhdimin e aksioneve deri në plotësimin e kërkesave të tyre.
Lëvizja e “mosbindjes civile” është kthyer në një nga format kryesore të presionit ndaj autoriteteve, pas akuzave për manipulime në proceset zgjedhore dhe mungesë transparence në vendimmarrje.