Reperi i njohur Arkimed Lushaj, i njohur si Stresi bëri thirrje për protestë këtë të martë në ambientet jashtë TCH, kundër bullizmit që po i bëhet konkurentit të BBV, Gjestit.
Kjo nuk është hera e parë që për një banor të BBV, thirret protestë. Ish-banorja e “Big Brother VIP 3”, Françeska Murati, e pyetur mbi këtë detaj tha se “është shumë e çuditshme”.
“Realisht ka gjëra shumë më të rëndësishme që ne duhet të bëjmë protestë dhe jo për një format që të gjithë janë të vetëdijshëm si bëhet.
Pavarësisht se nuk jam pro lojës që po bëhet, nuk ka nevojë për protestë se është shumë e tepërt. Ai nuk po kërkon ndihmë. Ai qesh çdo ditë, po tallet me ata aty brenda. E dashuroj për këtë.
Edhe unë e kam përjetuar vetë kur isha aty, çdo ditë, sa presione kam kaluar unë aty. Po ku ishin protestat për mua?! Po unë ndoshta nuk kam pasur miq VIP që të bënin thirrje për protesta për mua. Nuk jam pro sjelljes bullizuese, çdo njeri me pak mend e kupton që kjo nuk është OK. Por ai djalë është shumë mirë, nuk po vuan, nuk ka asnjë problematikë. Ai thirret çdo ditë në dhomë të rrëfimit dhe pyete “a je mirë, a është çdo gjë në rregull?”