Ditën e sotme Prokuroria e Tiranës dërgoi për gjykim dosjen e ‘Benet Holdin’ shpk dhe administratoren, Genta Përleka për ‘Fshehje të të ardhurave’ dhe ‘Mospagim të taksave e tatimeve’.
Sipas Prokurorisë, nga hetimet e bëra rezultoi se shoqëria Benet Holding shpk, nëpërmjet mosdorëzimit të dokumenteve ose mosdeklarimit të të dhënave të nevojshme, kanë arritur të shmangin detyrimet në organin tatimor në vlerën totale 53.891.336 lekë.
Gjithashtu, Prokuroria provoi se administratorja Përleka ka kryer shitje të padeklaruara, me qëllim për t’iu shmangur pagimit të TVSH-së, pasi Benet Holding shpk nuk i plotësonte kriteret e vendosura nga ligjit për TVSH për të kryer shitje pa TVSH, etj.