Don Antonio Coluccia mësohet se ishte në krye të një marshimi kundër krimit, kur u sulmua papritur me dërrasa, shishe e shkopinj.
I njohur në vend si ‘prifti antimafia’, ai është prej vitesh kundër trafikut të drogës në Romë dhe shpesh kishte marrë disa kërcënime për aktivitetin e tij.
49-vjeçari Coluccia kishte mbrojtje nga autoritetet pas sulmeve te mëparshme, por kjo nuk i shërbeu gjatë marshimit të ditës së dielë kur u godit në zonën Quarticciolo të Romës, nga të panjohur me te cilët ndaloi për të folur.
Prifti njihet për retorikat e tij te ndërgjegjësimit ndaj trafikanteve te drogave si dhe per konvertimin e shtëpisë së një ish-mafiozi në një strehë për të pastrehët e të droguarit.
Pas incidentit ai u mor me shpejtësi nga oficerë të sigurisë, por nuk dihet përse ndërhyrja e tyre nuk u bë më herët.
“Do të rikthehem, jam i përkushtuar t’i shërbej qytetit,” tha dje Coluccia për mediat pas publikimit të lajmit të sulmit. “Do të përpiqem për drejtësi dhe për qytetarët e ndershëm të kësaj zone. Të dielën ndalova për të folur me disa të rinj dhe ja çfarë ndodhi. Është një situatë e keqe”./The Guardian/