RUSI-Presidenti rus Vladimir Putin nuk është përfshirë në delegacionin rus që pritet të shkojë sot në Turqi për bisedime me Ukrainën.
Presidenti rus nënshkroi dje një urdhër që përcaktonte me hollësi se kush do të ishte në delegacion për në Stamboll, përfshirë ndihmësin presidencial Vladimir Medinsky, zëvendësministrin e jashtëm Galuzin Mikhail Yuryevich dhe zëvendësministrin e mbrojtjes Alexander Fomin.
Të dielën, Putini propozoi që negociatat e drejtpërdrejta me Ukrainën të mbahen “pa asnjë parakusht”, ndërsa Volodymyr Zelensky i bëri thirrje presidentit rus të takohet me të në Stamboll.
Takimi i propozuar erdhi pasi “koalicioni i vendeve të gatshme”, përfshirë Britaninë, kërcënoi Rusinë me sanksione të reja nëse ajo nuk merrte pjesë në një armëpushim 30-ditor që fillon të hënën.
Rusia në fakt e hodhi poshtë propozimin duke bërë thirrje për negociata të drejtpërdrejta në Stamboll me Ukrainën.
Presidenti amerikan Donald Trump, gjithashtu nuk do të marrë pjesë në bisedime./Radar.al