Ditën e sotme i shumëkërkuari i drejtësisë Dritan Rexhepi u esktradua nga Turqia për në Shqipëri.
Buirimet bëjnë me dije se para pak çastesh ai ka mbërritur në Rinas, ku me pranga në duar është shoqëruar nga dhjetra policë.
Kujtojmë se Turqia miratoi ekstradimin në Shqipëri të Dritan Rexhepit në shkurt të 2024-ës, i cili u arrestua në Stamboll nga muaji nëntor i vitit 2023.
Nëntori i 2023 e gjeti bosin e narkotrafikut shqiptar Dritan Rexhepi të prangosur në një vilë në Turqi vend, në të cilin ai kishte hyrë përmes një pasaporte kolumbiane të falsifikuar të regjistruar me emrin e Benjamin Omar Perez Garcia.
Në vendlindje Dritan Rexhepi gjykohet në mungesë në Gjykatën e Posaçme si porositës i rrëmbimit dhe vrasjes së Jan Prengës, në 17 janar të vitit 2020.
I konsideruar si mjeshtri i arratisjeve nga burgjet shqiptare, italiane dhe belge, Dritan Rexhepi në mars të 2006-ës, u shpall fajtor dhe u dënua me 25 vite burg në mungesë për vrasjen e dy policëve në Fushë-Krujë, Arben Keçi e Durim Kasmi në vitin 1998.