Një ngjarje e rëndë është shënuar në Shënkoll të Lezhës, ku një person ka humbur jetën pasi dyshohet se ra në kontakt me elektricitetin.
Sipas informacioneve paraprake, viktima ishte duke peshkuar pranë urës së Prekanit në momentin kur ndodhi aksidenti fatal.
Identiteti i personit ende nuk është bërë i ditur.
Në vendngjarje kanë mbërritur forcat e policisë dhe grupi hetimor, të cilët po punojnë për sqarimin e plotë të rrethanave dhe shkaqeve të ngjarjes.