VJENË– Kryeministri Edi Rama ka folur ditën e sotme për procesin e integrimit të Shqipërisë në Bashkimin Evropian.
Gjatë fjalës së tij në konferencën “Shqipëria, Horizont i Ri” në BE, shefi i qeverisë shqiptare u shpreh se vendi ynë po i çel kapitujt e negociatave me një shpejtësi që nuk është parë ndonjëherë më parë, gjatë procesit të anëtarësimit.
“Jemi në një process që ka përparuar shumë, po çelim kapitujt e negociatave me një shpejtësi që nuk është parë ndonjëherë më parë, gjatë procesit të anëtarësimit. Është meritë e punë sonë dhe qasjes së re të Bashkimit Evropian, falë edhe luftës në Ukrainë që ka tronditur fort Europën.”- tha Rama.
Më tej Rama foli për të mirat e Inteligjencës Artificiale në këtë proces.
Ai tha se teksa Kroacisë iu deshën 7 vite për pjesën teknike të negociatave, teksa vendi ynë po kursen kohë për këtë procedurë falë Inteligjencës Artificiale.
“Vendet që kanë hyrë në bisedimet e anëtarësimit u është dashur të rekrutojnë një ushtri, përkthyesish, njerëzish që do të hartonin draftet që do bënin vlerësimin e ndikimit e kështu me radhë. Kroacia një shembull shumë i bukur i mënyrës së si shkon integrimi, në mënyrën e plotë u deshën 7 vjet veç për pjesën teknike, më shumë se 4 mijë e ca akte ligjore të BE-së në legjislacionin kroat. Ndërkohë ne po e përfundojmë, e kemi nisur një vit më parë dhe e di, na duhet më pak se një vit tjetër që ta finalizojmë.”-tha Rama./Radar.al