KSAMIL – Në rrethana krejt të pazakonta, ka ndodhur një incident në Ksamil, ku një pushues shihet i zhveshur nga mesi e lart, ndërsa është bërë pjesë e një konflikti të dhunshëm me një oficer policie.
Dyshohet që sherri të ketë nisur për shkak të një problemi me parkimin e një automjeti.
Bazuar në pamjet e publikuara nga JOQ, qytetari dhe efektivi i policisë shihen duke u zënë me grushte dhe shkelma, e për rrjedhojë kanë krijuar një skenë të pakëndshme dhe kundër etikës.
Nuk është mësuar ende se kush ishte motivi për të cilin polici nervozohet aq shumë, ku përfundon duke dhunuar fizikisht pushuesin.
Ky veprim ka ngjallur reagime të ashpra edhe nga pushuesit e tjerë. Të paktën deri më tani policia nuk ka dhënë një deklaratë zyrtare sa i përket këtij incidenti.