Policia e Tiranës ka zbardhur detaje të reja lidhur me plagosjen e ndodhur në një servis në Vorë.
Mësohet se një prej tyre është plagosur me armë zjarri në këmbë. Ndërsa dy të tjerë janë plagosur me sende të forta dhe të tre janë në spital.
Radar.al raportoi më herët se i plagosuri me armë është Xhuliano Shkurti, 28 vjeç. Ndërsa me sende të forta janë plagosur dy pronarët e servisit, vëllezërit me mbiemër Mara.
Vorë/Informacion paraprak
Më datë 15.10.2024, në një servis në Marikaj ka ndodhur një konflikt midis disa shtetasve. Gjatë konfliktit është dëmtuar në këmbë, dyshohet me armë zjarri, shtetasi Xh. Sh., 28 vjeç, dhe me sende të forta shtetasit A. M., 35 vjeç, dhe F. M., 37 vjeç.
Të tre këta shtetas ndodhen në spital, në kujdesin e mjekëve.
Shërbimet e Policisë po punojnë për shoqërimin e shtetasve të përfshirë në konflikt ndërsa grupi hetimor po punon për sqarimin e rrethanave të ngjarjes.
LEXO EDHE