Drejtori i Policisë së Tiranës, Tonin Vocaj reagoi mbi ngjarjen e ndodhur te Komuna e Parisit në Tiranë.
Ai deklaroi për mediat se i plagosur ka mbetur Lorenc Kosta i cili është qëlluar nga efektivi i policisë Erjon Goxhara, për motive të dobëta.
Vocaj theksoi se autori i ngjarjes ka qenë jashtë orarit të punës.
“Jemi duke zhvilluar hetimet për këtë dhe autori ka marrë lëndime në pjesën e poshtme. Nuk kemi një informacion të hollësishëm, besoj në orët e mesditës do ta kemi një njoftim të plotë. Autori ishte jashtë orarit të punës kur kreu plagosjen. Ndërsa, jemi duke harxhuar të gjitha energjitë që ta kapim autorin”, është shprehur drejtori i Policisë së Tiranës, Tonin Vocaj.