Deklaratat e forta të Jeton Bollatit, babait të banores së “Big Brother VIP 5”, Selina, i cili gjatë një bisede në “Shqipëria Live” e quajti Mirin “pervers” dhe “zhigolo”, kanë shkaktuar reagime të shumta në rrjet dhe në rrethin e artistit.
Në mbrojtje të këngëtarit ka reaguar edhe Kaltrina, vajza e artistit të ndjerë Dr. Flori, e cila përmes një postimi në InstaStory ka hedhur poshtë akuzat, duke theksuar se Miri nuk ka shkelur kurrë kufijtë e respektit dhe privatësisë.
“Nuk ka ndodhur kurrë që Miri të kalojë limite. Ai është një burrë me parime, me kufij të qartë dhe gjithmonë xhentil në sjelljen e tij”, shkruan Kaltrina.
Ajo shton se Miri është një person që di të dëgjojë, të ndihmojë dhe të qëndrojë pranë njerëzve kur kanë nevojë, ndërsa u bën thirrje ndjekësve që të mos bien pre e gjuhës së urrejtjes.
“Është e rëndësishme të mos harrojmë se gjuha e urrejtjes dhe përpjekjet për të dëmtuar imazhin e dikujt nuk prekin vetëm personin në fjalë, por edhe familjen dhe njerëzit e tij më të afërt”, thekson ajo.
Reagimi i Kaltrinës:
Si një e afërme dhe ndjekëse e rregullt e Big Brother, mendoj se shumë njerëz po harrojnë thelbin e këtij formati dhe mënyrën se si situatat brenda tij mund të perceptohen gabim nga jashtë.
Miri është ai person që di të dëgjojë, të ndihmojë dhe të qëndrojë pranë kur ka nevojë. Asnjëherë nuk është cenuar privatësia e askujt dhe nuk ka ndodhur kurrë që Miri të kalojë limite, sepse është një burrë me parime, me kufij të qartë dhe gjithmonë xhentil në sjelljen e tij.
Është e rëndësishme të mos harrojmë se gjuha e urrejtjes dhe përpjekjet për të thyer imazhin e dikujt nuk dëmtojnë vetëm personin në fjalë, por prekin drejtpërdrejtë edhe familjen dhe njerëzit e tij më të afërt.