Përmbytjet në Valencia lanë pas dhjetëra viktima, ndërsa shumë persona mbeten akoma të zhdukur.
BBC na ka zbuluar historinë e trishtë të familjes Matias.
Dy fëmijët e familjes Izan, 5 vjeç dhe Rubén, 3 vjeç janë mes personave që prej ditësh rezultojnë të zhdukur.
Shkatërrim i plotë
Përmbytjet kishin shkatërruar çdo gjë. Një nga gjërat e pakta ende të paprekura ishte dera e dhomës së gjumit të djemve; shkronjat individuale të ndritshme dhe të bardha të emrave të tyre binin në sy.
“Ishte çmenduri”, tha fqinji i familjes Matias, Jonathan Perez. “Unë kurrë nuk kam parë përmbytje të tilla.”
Xhonatani zbulon se si përroi i furishëm mori përpara kamionët e parkuar ngjitur me shtëpinë e familjes Matías, ndërsa njëri prej tyre u përplas me murin e jashtëm.
Ai tha se Victor Matias i kishte shpjeguar se si i mori djemtë e tij në krahë teksa uji i tërhoqi të gjithë jashtë.
Por pavarësisht përpjekjeve të tij të dëshpëruara për t’i mbajtur ata, rrjedha e ujit i mori vogëlushët me vete.