Përmbytjet në Brazil u kanë marrë jetën 8 persona ndërsa miliona familje kanë mbetur pa energji elektrike.
“Në shtetin e Sao Paulos, më i populluari i vendit, 7 persona vdiqën nga rënia e pemëve dhe shembja e mureve të ndërtesave”, njoftoi agjencia shtetërore e Mbrojtjes Civile.
Në Brasilia, kryeqyteti i vendit, një ushtar u vra dhe një tjetër u plagos nga një pemë që u rrëzua teksa ulnin flamurin përpara selisë së policisë, sipas administratës ushtarake të rajonit.
Në kryeqytet, zyrtarët e Dhomës së Përfaqësuesve u detyruan të hapnin çadrat gjatë një seance plenare për shkak të pikimit të ujit nga çatia, ndërsa rrjedhjet preknin pajisjet elektronike, sipas imazheve të shpërndara nga media dhe rrjetet sociale.
“Pjesa më e madhe e qytetit të Sao Paulos mbeti në errësirë dhe afro 1.6 milionë familje ishin pa energji elektrike”, tha në të njëjtën kohë grupi energjetik Enel.
“Në disa zona, seksione të tëra të rrjetit janë dëmtuar dhe kilometrat e rrjetit do të duhet të rindërtohen, duke zëvendësuar shtyllat, transformatorët dhe pajisjet e tjera,” tha grupi në një mesazh.
Shirat e rrëmbyeshëm vijnë pas një prej thatësirave më të këqija të Brazilit që nga fillimi i regjistrimeve, duke shkaktuar dhe zjarre.
#Temporais que atingiram São Paulo, na sexta-feira (11) causaram morte e destruição por onde passou. De acordo com a Defesa Civil paulista, até agora foram contabilizadas sete mortes.
Milhares de pessoas estão sem luz. O teto de um shopping foi arrancado pela fúria da #natureza. pic.twitter.com/58K4XMfk6P— Comunicarmais (@ComunicarmaisBA) October 12, 2024