TIRANË– Nënkryeparlamentari, Agron Gjekmarkaj ditën e sotme nga seanca plenare ka ironizuar maxhorancën.
Gjekmarkaj u shpreh se në këtë sallë duhet të mbizotërojë debati dhe jo të diskutohet për procesverbalin.
Ndërkohë ka ironizuar edhe Kreun e Kuvendit, Niko Peleshin, duke e cilësuar si “edukator të opozitës”.
“Kolegë të maxhoranës vijnë me kaq gëzim për të votuar dhe nuk trishtohen që nuk flasin prej 1 muaj në Kuvend. Kjo është sallë e politikës, e debatit, por e keni kthyer në sallë të procesverbaleve. Duhet të ishte programi i qeverisë, fjala e saj, që mungoi. Keni kohë që ta rregulloni gabimin, që në fakt është faj. Për sa kohë do të bëni edukatorin e opozitës, ju zoti kryetar ju duhet një fjalor. Ju mund të thoni që Gjekmarkaj është i thinjur, po është i thinjur. Nëse është gjatosh, atëherë është i gjatë dhe s’ka asgjë për t’u ofenduar.”- u shpreh ai./Radar.al