Erika Kirk, e veja e aktivistit konservator Charlie Kirk, u zgjodh unanimisht të enjten si drejtoreshë ekzekutive e Turning Point USA, organizatës që Kirk themeloi për të angazhuar votuesit e rinj në kauzat republikane.
Zgjedhja e saj vjen pas vrasjes së burrit të saj më 10 shtator në kampusin e Universitetit Utah Valley, kur Tyler Robinson, 22 vjeç, akuzohet se qëlloi me pushkë nga një çati, duke shkaktuar vdekjen e 31-vjeçarit Kirk.
Bordi i Turning Point USA theksoi se Erika Kirk do të vijojë misionin e bashkëshortit të saj për të tërhequr të rinjtë amerikanë drejt kauzave konservatore. “Charlie na përgatiti për një moment si ky. Ai punoi pa u lodhur për të siguruar që Turning Point USA të mbijetonte edhe sprovave më të mëdha. Tani, është krenaria jonë të njoftojmë Erika Kirk si CEO dhe Kryetaren e Bordit,” tha bordi.
Në një video-adresim pas ngjarjes, Erika, 36 vjeç, deklaroi se do të vazhdojë trashëgiminë e burrit të saj, duke mbajtur gjallë vlerat konservatore dhe besimin e tyre krishterë. “Britmat e kësaj vejushe do të jegojnë në të gjithë botën si një britmë beteje,” u shpreh ajo.