Franca iu bashkua vendeve evropiane që po dërgojnë ndihma emergjente në Gaza, duke shpërndarë 40 ton ushqime dhe furnizime përmes katër fluturimeve ajrore. Lajmin e bëri të ditur ministri i Jashtëm francez Jean-Noël Barrot, duke paralajmëruar përmasat dramatike të krizës humanitare në enklavën palestineze.
“Nuk ka mbetur asnjë minutë për të humbur,” tha Barrot për radion Franceinfo, duke pranuar se ndihma është ende “e pamjaftueshme” për të përballuar nevojat e popullsisë.
Operacioni u krye pasi ushtria izraelite njoftoi një pauzë të përkohshme në luftime, duke hapur mundësinë për shpërndarjen nga ajri të ushqimeve dhe furnizimeve.
Fluturimet e para humanitare u nisën nga Jordania dhe Emiratet e Bashkuara Arabe, ndërsa Mbretëria e Bashkuar, Gjermania, Belgjika dhe tani Franca kanë krijuar një “rrugë ajrore” përmes Jordanisë për të dërguar ndihmat në territorin e rrethuar.
Face à l'urgence absolue, nous venons de conduire une opération de largage de vivres à Gaza.
Merci à nos partenaires jordaniens, émiriens et allemands pour leur appui, ainsi qu’à nos militaires pour leur engagement.
Les largages ne suffisent pas.… pic.twitter.com/dEzo3GXmi8
— Emmanuel Macron (@EmmanuelMacron) August 1, 2025