Ka disa akse që janë në zhvillim e sipër në Shqipëri e një prej tyre është edhe rruga e Dukagjinit, apo e njohur ndryshe si segmenti Prekal-Lotaj-Ndërlysaj.
Ky aks lidh Shkodrën me Lekbibajn në Tropojë, e madje shkon deri në Kosovë.
Pamjet e rrugës janë shpërndarë në rrjete sociale nga kryeministri Edi Rama i cili e konsideron atë si mjaft të rëndësishëm për zhvillimin e turizmit dhe ekonomisë rurale.
Postimi i kryeministrit Edi Rama:
Rruga e Dukagjinit apo aksi Prekal-Lotaj-Ndërlysaj, është një ndër segmentet me të rëndësishme të veriut të vendit, që lidh Shkodrën me Lekbibaj në Tropojë e në vijim me Bajram Currin, luginën e Valbonës si dhe me Gjakovën në Kosovë
Rruga është ende në ndërtim e sipër, ku aktualisht është mbyllur loti 1, Prekal-Kir prej 17 km, dhe ka filluar loti i dytë Kir-Ndërlysaj
Ky investim ka një impakt të madh jo vetëm për banorët e fshatrave përreth, Kir, Prekal, Shosh, Shalë, Bradhosh, Xhan, që i lidh me Shkodrën, por mundëson edhe kompletimin e gjithë rrjetit rrugor të Alpeve në funksion të zhvillimit të turizmit dhe ekonomisë rurale
Radar.al