Një automjet tip “Volvo” është përfshirë nga flakët mesditën e sotme në rrugën e Dibrës, përballë Qendrës Spitalore Universitare “Nënë Tereza” në Tiranë.
Sipas dëshmitarëve në vendngjarje, paraprakisht është dëgjuar një shpërthim i fuqishëm, pas të cilit makina është përfshirë plotësisht nga zjarri. Burimi i shpërthimit dyshohet të ketë qenë në pjesën e bagazhit të automjetit.
Nuk raportohet për persona të lënduar, ndërsa zjarrfikësit mbërritën në kohë për të vënë nën kontroll flakët dhe për të shmangur përhapjen e zjarrit në zona të tjera. Shkaqet e ngjarjes janë ende të paqarta dhe po hetohen nga autoritetet.