Momente paniku janë regjistruar në Selanik, pasi një tubacion uji shpërtheu me presion të lartë në një zonë të banuar të qytetit.
Sipas mediave greke, tubi pësoi një shpërthim të fuqishëm në kryqëzimin e rrugëve Agios Dimitrios dhe Platonos, duke u lëvizur në mënyrë të pakontrolluar dhe duke goditur rëndë një punëtor në një kantier ndërtimi aty pranë.
Forca e ujit u ngrit deri në dy metra lartësi, ndërsa punëtori u rrëzua në tokë dhe tentoi të largohej duke u kapur pas një litari, në përpjekje për t’i shpëtuar situatës së rrezikshme.
Në vendngjarje mbizotëroi kaosi dhe frika, ndërsa bilanci paraprak flet për katër persona të lënduar, të cilët u dërguan menjëherë në spital për ndihmë mjekësore.
Policia bllokoi zonën pranë Ministrisë së Maqedonisë dhe Trakisë, duke ndaluar qarkullimin e automjeteve në rrugën Agios Dimitrios, për të garantuar sigurinë dhe për të lehtësuar ndërhyrjen e ekipeve të emergjencës.