Ish-banorja e ‘Big Brother VIP Kosova’, Juliana Nura e ftuar në emisionin “Onima” shprehu pëlqimin e saj se Einxhel Shkira do kishte qenë ideale për rolin e opinionistes në këtë sezon.
Përgjatë intervistës ajo më tej shton se nuk ka qenë momenti i duhur që ajo vetë të ishte opinioniste, pasi kohët e fundit ka patur goxha angazhime.
Por, pavarësisht çdo gjëje Nura përjashton asnjë ofertë për të ardhmen.
“Po, ka pasur aludime, për një kohë diskutime por s’ka qenë koha e duhur, momenti i duhur që këtë vit të jem unë opinioniste sepse unë kam edhe angazhime të tjera, jam duke hapur një fabrikë të tërë, kam shumë punë të tjera këto 3-4 muaj sesa të futem në Big Brother. Ju e dini që kur marr një punë, e çoj deri në fund, e marr 100% seriozisht ose s’e marr fare. Duke ditur që jam duke hapur edhe fabrikë, janë zgjedhjet, jam e përfshirë edhe në mendimet e politikës, edhe me punëtorë, edhe për të nxjerrë një produkt të ri në gjithë tregun e Kosovës, janë edhe shumë para. Nuk dua që asnjë përqind të energjisë që ia jap fabrikës dhe angazhimeve të tjera, e kam anashkaluar mundësinë për të qenë opinioniste në Big Brother, por kjo nuk do të thotë që ndoshta nuk jam vitin tjetër ose nuk më vjen një ofertë, nuk e përjashtoj mundësinë” u shpreh Nura.
Për opinionistët e këtij sezoni të “BBVK” Milaim Zekën dhe Olta Gixharin, ajo shprehu simpati për Einxhel Shkirën, e cila për disa kohë u përfol se do të merrte rolin e opinionistes.
“Të dy janë shumë të mirë se nuk janë kot në atë vend, por unë mendoj që ne si shqiptarë të Kosovës, ndryshe nga Shqipëria, gjithmonë duhet të kemi një opinionist nga Shqipëria. Duke e ditur që kolltuku më shumë do t’i kishte hije Einxhel Shkirës që e përgëzoj për aftësinë që ka, mënyrën si flet, është shumë e gatshme dhe logjika i punon shumë mirë, është e gatshme të replikojë ashtu siç duhet, unë të paktën mendoj kështu për Einxhelin. Fatkeqësisht nuk u bë mundësia e opinionistes, nuk e di ç’ka ndodhur, por Olta është duke e bërë punën, këto dy ditë që kam parë, sa di. është e mirë, por nuk e kupton edukatën, kulturën, zhargonin tonë, nuk e kupton gjuhën ndoshta shumë mirë sepse ne flasim pak më ndryshe sesa në Shqipëri dhe kemi disa fjali ndër rreshta që ajo nuk i kupton” shtoi më tej ajo.
LEXO EDHE:
Banori me nanizëm i shpreh pëlqimin banores së ‘BBVK’, ja si reagoi Lela: Por ne jemi…
Mevlan Shaba shpërthen në lot gjatë qëndrimit në BBVK, ja mesazhi që i dërgoi njeriut të zemrës