Afro një muaj na ndan nga fillimi i sezonit të ri televiziv dhe si çdo vit ato që priten të zbulohen janë lëvizjet e reja të moderatorëve.
Këtë herë Kiara Tito nuk i ka shpëtuar aludimeve, teksa pak ditë më parë më anë të një postimi në rrjetet sociale, Blendi Mane zbuloi se Tito do të moderonte emisionin “Shqiptarët për shqiptarët” në bashkëpunim me Elvis Naçin në Top Channel.
Por disa spekullime erdhën edhe nga Kosova, jo vetëm për Kiarën por edhe për bashkëshortin e saj Luiz Ejllin.
Aludohet që çifti Ejlli-Tito të jenë pjesë e “Big Brother Kosova 3”, jo si banorë por mendohet se Luizi do jetë si producent dhe Kiara si moderatore.
Bashkë me ta edhe autorja e njohur, Olsa Muhameti, mësohet se ëhstë zhvendosur në Kosovë dhe pritet që të jetë autore e këtij spektakli, duke na dhënë kështu trinomin “Ejlli-Tito-Muhameti”.