TIRANË– I ati i Xhuana Nikollit, vajzës 25-vjeçare e cila u vetëhelmua pas dhunës së ish-bashkëshortit të saj, Eraldo Fizi ka deklaruar se nuk ishin në dijeni për dhunën që ushtrohej ndaj vajzës së tyre.
Gjatë një interviste në “Me Zemër të Hapur” ai thotë se ia kanë lënë në dorë drejtësisë.
“Veçse jemi gjallë dhe marrim pak frymë.”- tha i mërzitur babai i vajzës së ndjerë.
Ndër të tjera ai deklaron se telefonata e fundit e Xhuanës ka qenë me të ëmën në mëngjes para së të ndodhte ngjarja.
Pjesë nga intervista:
Kush ju lajmëroi për vdekjen?
Babai i Xhuana Nikollit: Ishte goca tjetër në Tiranë.
Kishte kohë që jetonte në Tiranë Xhuana?
Babai: Gati tre muaj.
Kur kishit folur për herë të fundit?
Babai: Me mamin e vet ka folur, në mëngjes ‘ a jeni mirë’ dhe kaq.
Nuk ishit në dijeni që ajo dhunohej?
Babai: Jo, nuk ishim në dijeni dhe nuk na ka thënë asgjë.
Me Erladon ishte martuar në gusht?
Babai: Ka qene i martuar në qershor.
Ishin divorcuar?
Babai: Po, u ndanë.
Me motrat nuk kishte shprehur që dhunohej?
Babai: Nuk jam në gjendje të flas….Ja kemi lënë drejtësisë këtë punë./Radar.al