Teksa fliste për garën presidenciale amerikane, Presidentit rus Vladimir Putin i rrinte në buzë një buzëqeshje e vazhdueshme.
Ai tregoi preferencat e tij për kandidatët dhe befasoi kur zgjodhi zonjën Harris.
“Unë e kam thënë se i preferuari ynë, si të thuash, ishte presidenti në detyrë, zoti Biden. Ai u nxor jashtë gare, por ai i këshilloi të gjithë mbështetësit e tij që të mbështesin zonjën Harris. Kështu do të bëjmë dhe ne, do të mbështesim atë. Së dyti, e qeshura e saj është kaq ekspresive dhe ngjitëse, që do të thotë se ajo po bën mirë”.
I akuzuar shpesh se ka punuar për fitoren e Trump, publikisht Putin thotë se ai ka qenë i dëmshëm për Rusinë.
“Trump vendosi kaq shumë kufizime dhe sanksione kundër Rusisë sa asnjë president para tij nuk kishte vendosur kaq shumë. Nëse Harris po bën mirë, ajo do të përmbahet nga veprime të tilla. Në fund, është një zgjedhje që duhet ta bëjë populli i Amerikës dhe ne do ta respektojmë atë zgjedhje”.