Norvegjia siguron për Ukrainën sisteme mbrojtjeje ajrore me vlerë rreth 700 milionë dollarë
Qeveria e Norvegjisë njoftoi të dielën se do të kontribuojë me rreth 7 miliardë korona norvegjeze (rreth 696 milionë dollarë) për furnizimin e Ukrainës me sisteme të avancuara të mbrojtjes ajrore.
Kryeministri norvegjez Jonas Gahr Store deklaroi se bashkë me Gjermaninë, vendi po siguron sisteme të fuqishme mbrojtjeje ajrore për të mbrojtur Ukrainën dhe popullsinë civile nga sulmet ajrore ruse.
Sipas njoftimit, Norvegjia dhe Gjermania do të financojnë dy sisteme Patriot, duke përfshirë raketat përkatëse. Përveç kësaj, Norvegjia do të kontribuojë edhe në prokurimin e radarëve të mbrojtjes ajrore nga prodhuesi gjerman Hensoldt dhe sisteme të tjera të mbrojtjes ajrore nga kompania norvegjeze Kongsberg.