FIER– Policia e Fierit ka vënë në pranga një 42-vjeçar, të identifikuar si V.F., pasi dyshohet se si pasojë e shkeljes së rregullave të mbrojtjes në punë, gjatë montimit të një kondicioneri në një pallat në Roskovec, njësia e jashtme e pajisjes ka rënë dhe ka dëmtuar një 80-vjeçare.
Bazuar në njoftimin e policisë mësohet se aktualisht, kjo shtetase është në spital, në kujdesin e mjekëve.
Akuza se bleu fustane e bizhu me vlerë mbi 800 mijë euro, reagon për herë të parë Ajola Xoxa
NJOFTIMI I POLICISË:
Drejtoria Vendore e Policisë Fier
Shërbimet e Komisariatit të Policisë Fier arrestuan shtetasin V. F., 42 vjeç dhe referuan materialet në Prokurori, ku nisi procedimi penal për shtetasin Rr. Ll., 30 vjeç, pasi dyshohet se si pasojë e shkeljes së rregullave të mbrojtjes në punë, gjatë montimit të një kondicioneri në një pallat në Roskovec, njësia e jashtme e pajisjes ka rënë dhe ka dëmtuar një 80-vjeçare (banuese në katin e parë të pallatit). Aktualisht, kjo shtetase është në spital, në kujdesin e mjekëve.
Materialet procedurale iu referuan Prokurorisë së Fierit, për veprime të mëtejshme./Radar.al