“Një kapsollë ishte mos bëj panik kot”/ Pla*osja e 15-vjeçarit, e ëma: Tentuan të fshihnin ngjarjen në sy të tim biri

TIRANË– Ditën e sotme në emisionin “Me zemër të Hapur” është trajtuar tema e plagosjes së një të mituri 15-vjeçar në piceri “Fantazia” në zonën e Ali Demit, ngjarje e cila ndodhi rreth orës 17:10 të së dielës.

Përmes një lidhje SKYPE, nëna e të miturit nga Spitali i Traumës ka deklaruar se të gjithë përpjekjet për të fshehur ngjarjen janë bërë para syve të djalit.

“Gjithçka që është bërë për të fshehur ngjarjen është bërë në sy të djalit. Djali ka dalë jashtë, por e morën e futën brenda që të mos e shiftë askush në përpjekje për të fshehur ngjarjen. Ambulancën e parë e kanë kthyer në përpjekje për të fshehur ngjarjen. Vetëm dy minuta larg ka qenë një spital privat, si të mos e marrë askush ta çojë. Vetëm kur djali ka humbur shumë gjak kanë njoftuar ambulancën e dytë që është vonuar 15 minuta. Djalit i kanë thënë plasi një kapsollë, mos bëj panik kot.”-u shpreh ajo./Radar.al