SHBA-Presidenti amerikan, Donald Trump është penguar teksa ngjitej shkallët e Air Force One, dhe interneti po kalon një ditë të mbarë.
Në rrjet është bërë virale video e këtij momenti, teksa bëhen krahasime të pashmangshme me ish-presidentin Joe Biden që pengohej në të njëjtat shkallë në të kaluarën.
Incidenti ndodhi në Neë Jersey, ndërsa Trump, i shoqëruar nga Sekretari i Shtetit Marco Rubio, po hipte në aeroplan gjatë rrugës për në Camp David. Të dy duket se humbën për pak kohë ekuilibrin ndërsa ngjiteshin shkallët.
Kujtojmë se ironikisht, Trump tallte shpesh ish-Presidentin Joe Biden për pengesat tij gjatë ngjitjes së shkallëve të Air Force One, këtë herë u bë vetë objekt talljesh në rrjetet sociale.
“Jam i habitur që nuk i ka zëvendësuar ende shkallët me një lëvizëse”.
“Tani është koha që Trump të pajiset me karrocë për të moshuar”.
“Kur Biden bënte diçka të tillë, Fox News e transmetonte në pafundësi, si të ishte zbarkimi në Hënë.”- tha gazetari Aaron Rupar.
Ky episod vjen pasi, në verën e vitit 2023, Trump kishte tallur Biden që u rrëzua gjatë një ceremonie diplomimi në Forcat Ajrore në Colorado, duke e quajtur të turpshme për studentët. Pas zgjedhjeve të vitit 2024 dhe tërheqjes së Joe Biden nga gara, duke ia lënë kandidaturën zëvendëspresidentes Kamala Harris, raportimet mbi përkeqësimin fizik dhe mendor të Biden janë shtuar ndjeshëm, një temë që vazhdon të jetë pjesë e debatit publik dhe politik në SHBA./BS/Radar.al
KAS vendos rinumërimin e të gjitha kutive të votimit edhe në qarkun Fier
Ngërçi politik në Kosovë/ Dështon edhe seanca e 29-të për konstituimin e Kuvendit