TIRANE- Policia e Tiranës ka marrë në pyetje për plagosjen e ndodhur te Komuna e Parisit edhe nipin e policit Erjon Goxhara, i cili ka treguar se daja i tij ka qenë në gjendje të rënduar psikologjike, sipas të dhënave të siguruara nga dosja hetimore.
“Ka qenë në gjendje të rënduar psikologjike dhe shpeshherë tregonte se do vriste veten”, ka dëshmuar shtetasi L.B, nipi I policit Goxhara.
Grupi hetimor ka sekuestruar edhe videon që autori Erjon Goxhara i ka nisur përmes aplikacionit Whatsapp kunatit të tij, po ashtu punonjës policie, pasi plagosi Lorenc Kostën, ku në pamje ai duket i shtrirë në trotuar dhe i gjakosur.
Nga hetimet rezulton se kunati i Goxharës, t’i jetë përgjigjur rreth 30 minuta më vonë, “Ça është kjo se s’po e kuptoj…”.