DURRËS– Mbrëmjen e së martës një sasi eksplozivi u zbulua pranë zonës së Velierës në Durrës. Ndërkohë policia ka mbajtur të rrethuar zonën deri në orët e para të mëngjesit.
Lënda plasëse që u shpërthye në mënyrë të kontrolluar nga ekspertët xhenierë, vuri në alarm autoritetet dhe çoi në bllokimin e menjëhershëm të zonës që nga mbrëmja e së martës.
Bazuar në informacionet paraprake bëhet me dije se vetëm pasi hetuesit përfunduan mbledhjen e provave në vendngjarje, u hoqën shiritat e sigurisë dhe u lejua rifillimi i qarkullimit të automjeteve, i cili kishte qenë i pezulluar për më shumë orë.
Ngjarja mbetet ende nën mister, pasi deri tani nuk ka asnjë informacion zyrtar nga policia lidhur me sasinë e eksplozivit, rrethanat e zbulimit apo personat e dyshuar./Radar.al
Megaoperacioni në Shqipëri dhe Itali/ Publikohen pamjet e aksionit kundër trafikut të ko*ainës