Kryeministri Edi Rama ka kujtuar mëngjesin e sotëm ish-kryeministrin Fatos Nano, përmes një postimi emocional në rrjete sociale.
Në videon e publikuar, Rama ka sjellë një kolazh kujtimesh nga jeta politike dhe private e Nanos, të shoqëruar me këngën ikonike të Beatles, “Let it Be”.
“MIRËMËNGJES
dhe me këtë videokartolinë lamtumire për liderin historik të socialistëve, mikun tim të dikurshëm e të rigjetur sërish, Fatos Nanon, i cili u nda nga jeta pas një lufte sfilitëse me sëmundjen, por që nuk do të ndahet asnjëherë nga kujtimet tona e nga vendi i nderit në historinë e familjes sonë të madhe, u përcjell të gjithë atyre që e patën kryetar, shok e mik, ngushëllimet e mia vëllazërore”, – shkruan Rama në dedikimin e tij.
Postimi vjen pak orë pas lajmit për ndarjen nga jeta të Fatos Nanos, një prej figurave më të rëndësishme të politikës shqiptare të pas viteve ’90 dhe themelues i Partisë Socialiste të Shqipërisë.