Shkodra do të bëhet nesër, 14 shtator, epiqendra e sportit me zhvillimin e Maratonës së Shkodrës, pjesë e titullit “Shkodra Qytet Evropian i Sportit”. Gara do të zhvillohet në tri kategori: 2.5 km për moshat 10-15 vjeç, 5 km për moshat 16-19 vjeç dhe 10 km për pjesëmarrës mbi 20 vjeç.
Për shkak të aktivitetit, qarkullimi do të bllokohet nga ora 07:30 deri në 13:00 në disa segmente të qytetit, përfshirë: sheshin Demokracia, sheshin Parrucë, sheshin Balshaj, karrëxhata perëndimore të Bulevardit “Mehmet Pashë Plaku”, sheshin Isa Boletini dhe aksin “Daut Boriçi”.
Starti dhe finishi do të jenë në sheshin përparabashkisë, duke kthyer qendrën e Shkodrës në një hapësirë festive për sportdashësit dhe vizitorët. Kryetari i bashkisë, Benet Beci, kërkoi mirëkuptimin e qytetarëve dhe drejtuesve të mjeteve për respektimin e kufizimeve gjatë ngjarjes.