TIRANË– Aktori Indri Shiroka është larguar përfundimisht nga Ferma Vip 3. Aktori doli më pak i preferuar nga publiku, së bashku me Klevisën dhe Kostanën. Ata u përballën në një sfidë, ku Kostana arriti ta fitonte, duke i shpëtuar televotimit. Për rrjedhojë, Klevisa dhe Indri u përballën për disa minuta kokë më kokë, ku publiku vendosi të largojë Indrin.
Pas humbjes së sfidës artisti kërkoi të largohej, por këmbëngulja e moderatores Arbana Osmani bëri që ai të pranonte sfidën e televotimit.
Një debat i ashpër ndodhi gjate mbrëmjes mes Indrit dhe Sarës dhe shkak për këtë u bë letra që aktori i bëri Vanesës, ku i kërkoj ndarjen. Për Sarën, e cila krijoi një shoqëri shumë të afërt me Vanesën, një veprim i tillë është i papranueshëm. Sipas saj, ndarjen Indri ta bënte kur të dilte jashtë, jo nga televizori.
Ndërkohë nesta dëgjoi edhe komentet që Sara kishte bërë gjatë javës me fermerët e tjerë, Indri i tha: Je komplet falso. Të njoh shumë mirë. Nuk kam më energji oj Sara se kam gjithë javën që të duroj ty dhe gjithë të tjerët.
Sara iu përgjigj me ironi akuzave të Indrit.
“Je naiv, i vogël, ne të kemi bullizuar. Të kërkojmë falje. Ti sapo ke kaluar publertetin dhe nuk i di këto gjëra.Ti lëndon njerëzit, vetëm për të qëndruar këtu”, tha Sara.
Por çfarë mendojnë fermerët e tjerë?
“Unë e çmoj sinqeritetin, kurdo që ndodh”, tha Kostana.
“Nuk besoj se Indri e bën për lojë. Nuk e prisja që ditët që ne kemi fol, ky ka shkrojtur letrën. Është zgjidhja e vet, nuk e gjykoj .“u shpreh Visi./Radar.al