Ditën e sotme u mësua se dy kandidatë për deputetë të Partisë Socialdemokrate në qarkun e Lezhës, Leonard Trokthi dhe Etmond Stojani, dorëzuan dorëheqjet e tyre nga kandidimi për zgjedhjet e 11 majit.
Dy kandadatët në fjalë, të cilët ishin pjesë e listës së hapur të PSD-së, mësohet se paraqitën kërkesat për tërheqje në Komisionin Qendror të Zgjedhjeve.
Në dokumentin e dorëzuar nga secili prej tyre theksohet: “Për shkak të pamundësisë aktuale për t’u angazhuar në fushatë zgjedhore, paraqes dorëheqjen e parevokueshme nga kandidimi.”
Kujtojmë se Trokthi dhe Stojani ishin ndër shtatë kandidatët e listës së PSD-së në Lezhë.
Edhe pse sot u mësua se ata dhanë dorëheqjen, emrat e tyre do të vijojnë të mbeten në fletën e votimit për zgjedhjet e 11 majit, pasi kështu e përcaktojnë rregullat në fuqi të administrimit zgjedhor.