Para pak çastesh mësohet se Partia Socialdemokrate ka reaguar në lidhje me deklaratat e bëra nga kreu i PD-së Sali Berisha.
Kujtojmë se Berisha u shpreh se Tom Doshi dhe Vilma Nushi do të ndëshkohen pasi ata kanë shitur ilaçe jashtë standarteve.
Nga ana tjetër PSD shprehet se qytetarët, sidomos shkodranët, e kanë kuptuar se kush është Tom Doshi.
Ndërsa më tej theksohet se qytetarët do të votojnë burrat dhe jo gënjeshtarët, duke lënë të nënkuptohet se Doshi mund ta sfidojë Berishën.
“E kanë kuptuar, sepse e kanë besuar dhe votuar cdo vit dhe më shumë, e kanë kuptuar se ai ka qenë mes tyre, me dhe pa pushtet. Dinë ta bëjnë dallimin midis atij që di ta mbajë fjalën dhe një gënjeshtari. Këtë diferencë do e bëjmë sërish në 11 maj, do votojnë atë që ka ndihmuar e mijëra njerëz në hall pa u kërkuar asgjë mbrapsht, do votojnë për burrat jo gënjeshtarët”, thuhet ndër të tjera në deklaratën për mediat të PSD.
Ndërsa fjalimi i PSD mbyllet duke thënë se Berisha ka dhe hesape të tjera me shqiptarët.