KAPSHTICË– Jemi në prag të natës së ndërrimit të viteve ndërsa emigrantët kanë nisur të mbërrijnë në Shqipëri për të festuar me familjet e tyre.
Raportohet se në pikën e kalimit kufitar të Kapshticës ka pasur fluks të shtuar të shtetasve shqiptarë. Burime pranë policisë kufitare, në këto 5 ditë kanë hyrë dhe kanë dalë nëpërmjet kësaj pike kalimi 42477 shtetas ndërsa fluksi më i madh është shënuar në hyrje të shtetit tonë.
Pala shqiptare ka punuar me 6 sportele duke u alternuar në varësi të situatës së krijuar.
Sa i përket Qafë Thanës edhe në këtë pikë kufitare ka pasur fluks por përveç turistëve numrin më të madh të dyndjeve e kanë pasur qytetarët tanë që shkojnë në Maqedoninë e Veriut për të bërë pazaret dhe kthehen brenda ditës. Sipas shifrave të fundit nga policja kufitare bëhet e ditur se gjatë 24 orëve të fundit Kapshtica ka regjistruar 6219 hyrje dhe 1484 dalje ndërsa Qafë thana 3020 hyrje dhe 3130 dalje./Radar.al