SPANJË– Chiara Ferragni pas një furtune lajmesh disa javë më parë për tradhtinë e ish-bashkëshortit të saj Fedez, nga Spanja ka njoftuar lidhjen e saj të re e Giovanni Tronchetti Provera, pasardhësin e familjes Pirelli.
Në një kohë që në Itali po qarkullojnë imazhe të çiftit duke shkëmbyer puthje, Ferragni e ka konfirmuar përkushtimin e saj në një intervistë ekskluzive për gazetën spanjolle “Hola!”, gjatë ceremonisë së ndarjes së çmimeve Goya në Granada.
Veshur në të kuqe e plot shkëlqim në sytë e saj, biznesmenja italiane ka thënë: Jam shumë e lumtur dhe në një lidhje.
Më tej ajo ka shtuar se ndjen një gëzim të madh. Chiara ka folur shkurt për ish-bashkëshortin e saj, Fedez, duke theksuar se nuk ka asnjë mundësi për rikthim.
Duke iu referuar një raportimi mbi një histori të Fedez me një grua tjetër, ajo ka thënë: Ai ka pasur këtë histori që nga viti 2017, donte të më linte para dasmës, por nuk dinte si ta bënte. E kuptova se gjithçka që kam përjetuar ishte një tallje.”-deklaroi Chiara./Radar.al